Студыя VS Фрылансер

У каго варта замаўляць праекты? Якія перавагі і недахопы ў студый і ў фрылансераў? Хто дапаможа захаваць час, грошы і якасць?

Студыя vs Freelance

Каб атрымаць адказ на пытанне “чаму выгодна рабіць замову ў прафесійных дызайн-студыях, а не ў фрылансераў?”, трэба акрэсліць мэты, якія замоўца ставіць перад сабою, і вызначыць час, які ён гатовы аддаць на распрацоўку. Таксама карысна разгледзець асноўныя пункты, з увагі на якія звычайна абіраюць паслугі студыі або фрылансера.

1. Кошт і адказнасць

Фрылансер – гэта вольны мастак. Ён працуе ў любы зручны для яго час. Кошт працы фрылансера не ўлучае выдаткаў на арэнду памяшкання, на аплату працы пасярэдніх працаўнікоў – да таго ж фрылансеры найчасцей абыходзяцца без сплочвання падаткаў. Таму агульны кошт працы фрылансера будзе мінімум у 3–4 разы ніжэйшым за працу прафесійнай студыі. Прафесійная студыя (дызайну, праграмавання і г. д.) мае ў штаце мінімум 5 чалавек, праца якіх мусіць аплочвацца (ускосныя выдаткі растуць разам з памерам фірмы).

Разам з тым прафесійная студыя заўжды працуе з дамоваю і тэхнічным заданнем, і гэта вельмі важна ўлічваць. Фрылансер можа зацягнуць выкананне працы на няпэўны час або наагул у апошні момант адмовіцца ад яго, не трацячы перспектывы паспяховае кар’еры. Пры гэтым сыходзіць час і вельмі часта частка грошай, якую папярэдне заплацілі выканаўцу. Каб сапсаваць імя, адной асобе трэба шмат намаганняў і часу; для фірмы праца з кліентамі шмат у чым залежыць ад чыстай-светлай рэпутацыі, адпаведна кампанія заўжды дбае пра абавязкі. Да таго ж праз дамову замоўца абаронены заканадаўствам.

2. Якасць працы

У рэдкіх выпадках сапраўдны прафесіянал не будзе стала працаваць у нейкай фірме, бо фрыланс не гарантуе бесперапыннай плыні замоваў, а таму навыкі і веды дызайнера (праграміста, вярстальніка і г. д.) трацяцца з цягам часу, што паступова зніжае ровень яго падрыхтаванасці і, натуральна, адбіваецца на якасці працы. Бывае, што прафесіянал рэгіструе ўласную фірму, дзе працуе адзін і развівае талент праз канферэнцыі ды семінары, але гэта здараецца гады ў рады і ўжо не зусім "фрыланс", да таго ж кошт паслугаў такога чалавека, як правіла, не адпавядае "фрылансерскім прайсам", таму ў межах гэтага артыкула пакінем яго па-за ўвагаю.

Такім чынам, бальшыня прафесіяналаў, з рэдкім выняткам, працуе ў студыях і кампаніях. А дзе прафесіяналы, там і якасць.

3. Абслугоўванне і рознабаковасць

Вялікія праекты, якія патрабуюць не толькі пачатковае працы, але і далейшай падтрымкі, фрылансеры выканаць не могуць, бо вельмі неахвотна, як сапраўдныя вольныя мастакі, згаджаюцца падтрымліваць праект – гэта "прыціскае" іхны час і "звужае" прастору для творчасці. Тое ж тычыцца і шматбаковых праектаў: ніводны фрылансер-дызайнер не зможа быць адначасова капірайтарам, архітэктарам сістэмы, дызайнерам і спецыялістам па юзабіліці, каб зрабіць звышпрадуманы праект. І замоўцу давядзецца працаваць не з ім адным, а з мноствам фрылансераў, перыядычна абіраючы новых. У сваю чаргу студыі маюць па некалькі адмыслоўцаў дзеля кожнага этапа стварэння якаснага прадукта, што дазваляе больш шырока і глыбока глядзець на рэалізацыю праекта.

Зробім высновы:

▪ калі вы хочаце зэканоміць грошы на маленькім праекце, звяртайцеся да фрылансераў;
▪ ніколі не наймайце фрылансераў на вялікія праекты
адшукайце прафесійную студыю;
▪ якасць працы прафесійна
й студыі нашмат больш высокая за якасць працы фрылансераў, але каштуе больш;
▪ фрылансеры вельмі рэдка
здаюць працу ў тэрмін;
▪ большасць фрылансераў працуе 
з дадатковымі праектамі ў вольны ад асноўнае працы час, а таму суадносіны час / якасць радуюць нячаста;
▪ шматбакова развіты праект можа атрымацца толькі пры выкананні яго прафесійнымі студыямі;
працуючы са студыяй, вы абароненыя заканадаўствам праз афіцыйныя дамовы.

Тэрміны. Што і ў якія тэрміны робіцца?

Чаму многія ўэб-студыі зацягваюць выкананне праекты і што з гэтым рабіць

Хто плоціць, а хто замаўляе музыку?

Ці павінны распрацоўнікі дызайну прыслухоўвацца да кожнай заўвагі замоўцаў? Пытанне, якое ставіць дагары нагамі ўсе нормы і правілы працы з кліентамі, але адназначна выказвае пазіцыю студыі PRAS.by ў такой тонкай тэматыцы.

Віды сайтаў. Частка I

Асноўныя віды сайтаў — ад сайта-візітоўкі да інфармацыйнага партала, паводле класіфікацыі арт-студыі PRAS. Які сайт пасуе вашаму бізнэсу?