Тэхнічная падтрымка праекта

Вы зрабілі новы праект і распрацоўнік прапануе вам ажыццяўляць падтрымку гэтага праекта. Навошта падтрымка патрэбная і ці мае яна сэнс для вашай фірмы?

Вы маеце распрацаваны сайт або запампавалі мабільны дадатак у AppStore / Google.Play. Праект выглядае зорна-ўзорна, усё працуе гладка-суладна на 100%. Але першыя карыстальнікі ды наведвальнікі вашага рэсурса заўважаюць, што праекту не стае нейкай вельмі дробнай, але важнай функцыі. Распрацоўнік, безумоўна, возьме за рэалізацыю функцыі дадатковыя грошы, хоць вы і намагаліся давесці, што ад самага пачатку прадбачыць гэта было нельга.

Разабраўшыся з функцыяй, вы неўзабаве падумаеце: “Добра было б перамаляваць афармленне цытат ды выяваў на сайце”. Тым часам Google Analitics падкажа вам, што чырвоную кнопку на галоўнай старонцы варта зрушыць управа, каб трапіць у месца засяроджвання клікаў… Усё гэта патрабуе часу – прааналізаваць, дамовіцца, праплаціць.

З фінансавага гледзішча, вы траціце не менш. Скажам, гадзіна працы студыі каштуе 50 еўра. Задачы, адзначаныя вышэй, яна выканае за, прыкладам, 6 гадзін. Разам з тым амаль кожная фірма падтрымлівае праект па заніжаным кошце – звычайна на 15-30%. А гэта 50 (еўра) * 0,30 = 15 (еўра). Агульны кошт працы складзе 35 еўра.

50 (еўра) * 6 = 300 (еўра),
35 (еўра) * 6 = 210 (еўра),
300 – 210 = 90 (еўра) эканоміі.

Яшчэ адзін мінус адсутнасці тэхнічнага падтрымання праекта – змена выканаўцаў. Вы працавалі, да прыкладу, з ўэб-студыяй Might&Mind, якая распрацавала для вас прома-сайт. Калі ўзнікла патрэба нешта дапрацаваць, Might&Mind аказалася занятая цягам месяца або, напрыклад, кошт выканання працы перасягнуў чаканы вамі ў два разы. І вось вы грукаецеся ў дзверы іншай студыі Art NoMind. Праз пэўны час сітуацыя паўтараецца, вы пакідаеце Art NoMind – і зноўку сыходзіце да новай фірмы…

Зразумела, што праца з новымі партнёрамі вымагае больш значных укладанняў, чым праца з адным пастаянным выканаўцам. Акрамя таго, выніковы праект будзе мець не дужа выразнае структураванне, бо ў апісанай сітуацыі выпадковая студыя звычайна не думае пра будучае развіццё вашага праекта.

Такім чынам, замаўляючы сайт, улічвайце неабходнасць далейшага супрацоўніцтва з той самай студыяй дзеля падтрымання вашага праекта. Гэта ашчадзіць вашай кампаніі не менш за 15–30% бюджэту, захавае час на іншыя працоўныя пытанні і гарантуе развіццё праекта.

Заключайце дамовы на падтрыманне сайтаў і мабільных дадаткаў!
Прасоўванне сайта

Навошта трэба займацца SEO-прасоўваннем сайта, якія выкарыстоўваюцца метады і з якімі фірмамі варта працаваць на гэтай глебе?

Дадатак для смартфонаў VS Мабільная версія сайта

Што такое мабільны дадатак? Ствараць яго, мабільны сайт або ўвогуле рабіць адаптыўны дызайн?

Віды сайтаў. Частка II

Спецыфічныя віды сайтаў — ад інтэрнэт-крамы і да сацыяльнай сеткі, паводле класіфікацыі арт-студыі PRAS. Які сайт пасуе вашаму бізнэсу?