Беларусы на беларусах нічога не тэстуюць

Чаму ў нас рэдка ствараюць прадуманыя ІТ-прадукты

дата публікацыі
17.01.2018
aside.source

У калонцы для dev.by арт-дырэктар мінскай кампаніі PRAS Аляксей Кульбіцкі распавядае пра праблему, якая, на яго погляд, тармозіць беларускія распрацоўкі прадуктаў. 

У Беларусі высокатэхналагічны праграмны прадукт вельмі рэдка ствараюць з нуля, з пачатку і да канца. Сэнс замоў з-за мяжы — набыць час нашых праграмістаў. Там прыдумляюць праграму і даследуюць яе, а сюды аддаюць прапісваць код. Чаму так адбываецца? 

Справа ў тым, што навучыцца UX/UI-праектаванню і папрактыкавацца ў ім у Беларусі проста няма дзе. Пры гэтым спецыялістаў такога профілю, калі глядзець па базе вакансій, у нас вельмі шмат. Але гэта ў большасці сваёй людзі з інтуітыўным паняццем пра UI або людзі з адукацыяй не мясцовага разліву. То бок распрацоўшчыкі альбо таленавіта і несвядома капіююць удалыя рашэнні, карыстаючыся фрэймворкамі і гайдамі, альбо ідуць складаным шляхам, калі працуюць і маюць зносіны з замежнымі замоўцамі і нярэдка навучаюцца за мяжой. Але запазычваць гатовыя рашэнні — не значыць ствараць штосьці новае. Так дужа складана стаць флагманам і заканадаўцам мод.

Узгадаем, што такое UX і UI.

UX (User Experience) — гэта фідбэк карыстальніка, уражанне ад працы з вашай праграмай, а таксама часта яго неасэнсаваныя чаканні ад будучага прадукта. UI (User Interface) — інтэрфейс, арыентаваны на карыстальніка. UX/UI-праектаванне прадугледжвае стварэнне эстэтычнага і зручнага інтэрфейса з апорай на паводзіны мэтавай аўдыторыі.

У ідэале дызайн кожнай праграмы мусіць быць менавіта такім.

Таму якаснай распрацоўцы звычайна папярэднічаюць даследванні. Бераце кантрольную групу, даяце яе ўдзельнікам прататып свайго прадукту і правяраеце, зручны інтэрфейс вы стварылі ці не. Уносіце змены і правяраеце наноў. І так некалькі разоў. У выніку атрымліваеце прадукт, з якім можна выходзіць на міжнародны рынак.

Давайце чэсна — хто ладзіць даследванні прадукта ў нас? Нават пры рэалізацыі вялізных дзяржаўных праектаў даследванні амаль ніколі не закладваюцца ў бюджэт. Прадукт выпускаецца і ідзе ў вольнае плаванне, хоць нейкі час яго яшчэ можна было б патэставаць і зрабіць змены, каб палепшыць на парадак.

Зараз справа выглядае так: наша ІT-кампанія атрымлівае заданне ад замежнага замоўцы разам з вынікамі ўжо праведзенага даследвання. Вось, у нас усё гатова, кажуць з-за мяжы, а вы проста запраграмуйце. Вазьміце любога аўтсорсера. Замовы, якія яны выконваюць — гэта замовы буйных замежных кампаній. Адпаведна, усе даследванні ладзяцца ў краінах, якім належаць гэтыя замежныя кампаніі.

Чытаць цалкам у арыгінале

наступны раздзел сайта
у якім

прыводзяцца прыклады рэальных праектаў,
над якімі працавала каманда PRAS