PRAS на выставе TIBO-2023

Кампанія прыняла ўдзел у міжнародным IT-форуме

дата публікацыі
18.04.2023

PRAS прыняў удзел у 29-й міжнароднай спецыялізаванай выставе і форуме інфармацыйных тэхналогій “TIBO-2023”.

Наведвальнікам выставы былі прэзентаваныя адразу тры праекты кампаніі. На стэндзе Нацыянальнага мастацкага музея госці мелі магчымасць азнаёміцца з сістэмай кіравання кантэнтам і паслугамі artmuseum.by. Дзякуючы сістэме, запісацца на экскурсію і набыць квіток у Мастацкі цяпер можна не выходзячы з дому.

Нацыянальнае агенцтва па турызме прадэманстравала дзве распрацоўкі PRAS. Платформа для правядзення турыстычных онлайн-выстаў expo.belarus.travel стала першай падобнай пляцоўкай у краіне і добра зарэкамендавала сябе падчас пандэміі каранавіруса.

Нацыянальны турыстычны партал belarus.travel ужо вядомы вандроўнікам з Беларусі і замежжа. У 2021 годзе праект быў адзначаны дыпломам Інтэрнэт-прэміі “TIBO”. У гэтым годзе наведвальнікам форуму прадстаўленая разынка парталу - планавальнік турыстычных маршрутаў, з дапамогай якога любы карыстальнік Сеціва можа скласці ўласны план паездкі па Беларусі.

Дырэктар PRAS Мікалай Тамашэвіч (злева) і прадстаўнікі Нацыянальнага агенцтва па турызме прэзентуюць два праекты PRAS
Дырэктар PRAS Мікалай Тамашэвіч (злева) і прадстаўнікі Нацыянальнага агенцтва па турызме прэзентуюць два праекты PRAS. Фота: НАТ

Праекты PRAS выклікалі жывую цікавасць сярод публікі. Спадзяемся, што на юбілейнай выставе ў наступным годзе мы прэзентуем яшчэ больш праектаў.

наступны раздзел сайта
у якім

прыводзяцца прыклады рэальных праектаў,
над якімі працавала каманда PRAS