Quoter - дадатак для iPad

Праект дадатку для iPhone i iPad. Дае магчымасць дзяліцца з сябрамі ў сацыяльных сетках улюбёнымі цытатамі.

Мабільны дадатак "Quoter" дае магчымасць ацэньваць і рэпосціць цытаты знакамітых людзей у сацыяльныя сеткі. Дызайн шчодра насычаны шматлікімі героямі з сюжэтных гравюраў у стылі эпохі Адраджэння. Шматлікія выявы анёлаў, дзяцей, чароўных жывёлін пераносяць нас у эпоху Рэнесанса, дзе кніга была сапраўдным скарбам і цанілася вельмі высока.

Колеры дадатку — каралеўскі блакітны і фіялетавы — дадаюць яшчэ больш асэнсавання высокай мудрасці і шляхецтва. Удала ўплеценыя ў сюжэты Адраджэння сучасныя элементы не даюць дадатку ператварыцца ў музейны экспанат, бо жыва чытаюцца карыстальнікамі.

Асноўная ідэя дызайну: цытаты і кнігі — непадзельна звязаныя паміж сабою рэчы.