Функцыянальны канструктар "Маленькі майстар"

Вокладкі і унутраныя схемы беларускага праекта для дзяцей ад 18 месяцаў, што дазваляе самастойна ствараць дзіцячую мэблю

Цікавы праект беларускай вытворчасці "Маленькі майстар" атрымаў аздабленне ад арт-студыі "PRAS". Забаўленчы інтэрактыў, які прапануецца дзецям ад 18 месяцаў, бадай, да 6-ці гадоў, навучыць дзіцёнка кіраваць найпростымі прыладамі працы, прывучыць да самастойнасці, а таксама да развіцця свайго творчага патэнцыялу праз фарбаванне гатовай прадукцыю па ўласным жаданні.

Вытворца прапануе ў некалькі крокаў прайсці ўвесь шлях да стварэння ўласнай карыснай цацкі: разабрацца з ілюстраванай схемай збора мэблі, карыстаючыся дапаможнымі прыладамі, сабраць цацку, расфарбаваць яе і выкарыстоўваць так, як дазволіць фантазія. Прынамсі, аўтары прапануюць "Мядзведзіка" і "Жырафа" выкарыстоўваць у выглядзе вешалкі, а "Гнома" - як крэсла. Ствараць новыя цацкі можна, седзячы на ўласнаручна створаным зэдліку, захоўваючы інструменты і фарбы ў адмысловай скрынцы. Да кожнага з 5-ці набораў мы распрацавалі варыяцыю фірмогава персанажа, скрынку з рознакаляровымі рашэннямі, схемы збора для кожнай прадукцыі.

Фарбы, пэндзлікі, адвёрткі ды іншыя неабходныя рэчы сумесна з драўлянымі часткамі мэблі можна знайсці ўнутры скрынкі

Ствараючы фірмовага персанажа, мы арыентаваліся адначасова на прыклады савецкіх мультфільмаў і сучасных змаркетынгаваных герояў прадуктовай вытворчасці. Наш Вожык не мае імя, але, мы спадзяемся, ён зможа стаць сапраўдным сябрам для кожнага самастойнага і творчага дзіцёнка