Кабінет абітурыента БДЭУ

Найзручнейшая сістэма электроннай рэгістрацыі абітурыентаў эканамічнага ўніверсітэта

Беларускі дзяржаўны эканамічны ўніверсітэт пастанавіў: саспеў час стварыць сістэму, што дазволіць абітурыентам рэгістравацца дзеля паступлення онлайн. Гэтак патэнцыйныя студэнты змогуць аддаць больш часу рыхтаванню да ЦТ, а не марнаваць каштоўных гадзінаў у бясконцых чэргах. Распрацоўваць гэткую сістэму даверылі майстрам C# asp .net арт-студыі PRAS.
Лаканічная і зразумелая кожнаму абітурыенту — такой мусіла стаць сістэма перадусім. Другі шэраг патрабаванняў — групаванне палёў анкеты: карыстальнік можа запаўняць яе некалькі разоў цягам усёй уступнай кампаніі, таму ёсць патрэба захоўваць прамежкавыя звесткі.

Аўтаматычнае выпраўленне памылак падказвае карыстальніку, як запоўніць той або іншы радок больш удала, а валідацыя не дазваляе прапусціць ніводнага поля. Сістэма рэгістрацыі звязаная з унутранай сістэмай для залічэння абітурыентаў: сінхранізаваныя базы дадзеных аператыўна актуалізуюць інфармацыю — як паводле спецыяльнасцяў / факультэтаў, гэтак і паводле дасланых анкетаў.

Сістэма рэгістрацыі працуе
наступным чынам:

1. карыстальнік уносіць базавыя звесткі і ўваходзіць праз пацверджаны e-mail;
2. запаўняе анкету патрэбнай для паступлення інфармацыяй;
3. абірае факультэт і спецыяльнасць;
4. адміністратары ўнутранага кабінета апрацоўваюць заяўкі абітурыентаў.

Абмежаванні ды сістэма бяспекі забараняюць падборшчыкам пароляў уваходзіць на сайт, а распаралеленая на фізічным роўні архітэктура праграмы не дазваляе ўзламаць яго падчас паступлення.

Сістэма электроннай рэгістрацыі абітурыентаў БДЭУ палягчае працу абітурыентам і адміністрацыі ўніверсітэта. Праграму пачалі выкарыстоўваць у 2016 годзе ў комплексе з тэматычным прома-сайтам цягам прыёмнай кампаніі. Хуткасць працы, надзейнасць і выразнасць інтэрфейсаў робяць сэрвіс найлепшым развязаннем пытанняў, што ўзнікаюць у часе паступлення. Менавіта гэта — асноўная спецыфіка asp.net-дадаткаў для web.