Прома-сайт абітурыентаў БДЭУ

Комплексны інструмент для будучых студэнтаў: ад азнаямлення і да залічэння

Сайт для абітурыентаў Беларускага дзяржаўнага эканамічнага ўніверсітэта — лагічны працяг нашае працы з установаю ў межах уступнае кампаніі 2016 года. Раней распрацаваны Кабінет абітурыентаў БДЭУ і наваствораны рэсурс фармуюць агульную прастору, што знаёміць з установаю, перспектывамі ды магчымасцямі навучання, дае спісы дакументаў, змяшчае важныя тэлефоны, і-мэйлы, нумары кабінетаў. Прычым робіць гэта лагічна, паслядоўна, зразумела, часам нават праз навучальныя і забаўляльныя праграмы.

Адценні сіняга і мінімалістычны дызайн ствараюць вобраз сучаснай установы, арыентаванай на інавацыйнае развіццё.

На галоўнай старонцы прома-сайта мы змясцілі відэапрэзентацыю БДЭУ: трапляючы на сайт упершыню, патэнцыйны студэнт можа скласці пэўнае ўражанне пра ўстанову; надалей відэа знікне і не будзе нікога засмучаць ужо вядомымі звесткамі. Потым можна рухацца далей: ад знакамітых выпускнікоў тыпу Аляксандры Герасімені і Дар’і Домрачавай дзеля натхнення — праз прынцыпы навучання, спіс факультэтаў і спецыяльнасцяў для разумення спецыфікі — да інтэрнацкага і культурнага жыцця, часткаю якога абітурыент мае хуткім часам стаць. І пры канцы карыстальнік апынаецца ў Кабінеце Абітурыента, што дазваляе ўдзень і ўночы маніторыць навіны ўступнае кампаніі, каб урэшце паступіць.

Каб утрымліваць увагу карыстальніка, мы змясцілі на ягоным інтэрнэт-шляху да ўніверсітэта карысныя спасылкі ды дакументы.

Сайт Абітурыент БДЭУ сінхранізуецца з унутраным кабінетам будучых студэнтаў і сістэмаю для залічэння «Абітурыент»

Год працы сайта паказаў даволі цікавыя вынікі: большасць карыстальнікаў пераходзіла на сайт праз пошукавікі (найчасцей — праз запыты: «экономика и недвижимость», «бгэу день открытых дверей», «поступление нархоз», «семья дарьи домрачевой» (?..)) — у той час як праз асноўны сайт БДЭУ трафік не дасягаў нават 1 %. Сайт меў надзвычай нізкі паказнік адмоваў, што сведчыць пра рэлевантнасць змешчанай на ім інфармацыі: карыстальнікі знаходзілі тое, што шукалі. Агулам сайт наведала больш за 12 000 патэнцыйных студэнтаў, а сярэдні час, цягам якога яны былі на старонцы, склаў 53,5 секунды. Паказнік Google Page Speed тым часам выдаваў 98/100 балаў. Нічога не скажаш, папрацавалі добра :)