Рэдызайн "дрэваапрацоўчага" карпаратыўнага сайта

Пераасэнсаванне дызайну і функцыяналу сайта «Рэчыцадрэў» пасля аналітыкі паводзінаў карыстальнікаў

Стварыўшы сайт дрэваапрацоўчага прадпрыемства «Рэчыцадрэў», і стала падтрымліваючы яго цягам двух гадоў, мы зрабілі паўнавартасны тэхнічны аўдыт і аналіз паводле дадзеных Google.Analitics, Page Speed ды іншых карысных прафесійных сэрвісаў. Вынікі скіравалі нас перабудаваць галоўную старонку, дадаць некалькі другасных, а таксама дапрацаваць логіку функцыянавання сайта, наблізіўшы яго ў гэтым сэнсе да інтэрнэт-крамы.

На галоўнай старонцы змясцілі прома-відэа, стыль дызайну зрабілі больш эфектным, «плоскім», і сфармавалі вітрыну з прадукцыяй кампаніі.

Пасля пайшлі далей і цалкам пераструктуравалі ўнутраныя старонкі, дадаўшы новых роўняў: кожны канкрэктны тып мэблі (а не толькі набор, як раней) займеў уласную прастору, выбраць нешта канкрэтнае цяпер нашмат прасцей. Пасядзелі-падумалі — і дадалі магчымасць глядзець на мадэлі ў 3D-фармаце (прывітанне Анлайнеру! :) ), а таксама дапасоўваць шафы да канапаў і крэслы да сталоў паводле колеру.

Пост-аналіз Google.Analitics пацвердзіў, што шлях мы абралі слушны: колькасць наведнікаў, пошукавая эфектыўнасць і канверсія заўважна выраслі.