Сайт школы праграмавання Паўла Вейніка

Лэндзінг-пэйдж для школы JAVA-праграмавання

У шэрагу апошніх праектаў нашае арт-студыі — прэзентацыя курсаў ІТ-адмыслоўца Паўла Вейніка. Спадар Вейнік добра ведае, што і як мусіць уцяміць асоба, каб далучыцца да паспяховае часткі чалавецтва праз JAVA-праграмаванне. Мы ж, у сваю чаргу, выдатна разумеем, якім мае быць неклішаваны landing page дзеля эфектыўнага прасоўвання гэткага кшталту адукацыйных паслугаў. 

Старонка размаўляе з наведнікамі ў стылі патэнцыйнага трэнера — упэўнена, жорстка, з належным роўнем свабоды
і пра справу.

Мінімум “фаршлагаў”: чалавек дакладна не забудзецца, дзеля чаго патрапіў на сайт, і з вялікаю доляю верагоднасці зробіць правільныя высновы. Аўтарская тэхніка шліфаваць змесціва галавы прыдасца кожнаму сапраўды заматываванаму суб’екту. Кнопкі актывізацыі светлае будучыні — вось яны, перад апантанымі вачыма.