Спадчына Беларусі становіцца больш даступнай. Як інфармацыйныя тэхналогіі дапамагаюць развіваць культуру

Пра прасоўванне культурнай спадчыны Беларусі ў інтэрнет-прасторы карэспандэнт агенцтва "Мінск-навіны" пагутарыла з дырэктарам ІТ-кампаніі PRAS Мікалаем Тамашэвічам

дата публікацыі
17.06.2020
aside.source

— Ваша кампанія распрацавала электронныя каталог музейнага фонду і рэестр кніжных помнікаў нашай краіны. Якую карысць для грамадства маюць гэтыя сэрвісы?

— Дзякуючы дадзеным інтэрнет-рэсурсам шырокае кола людзей можа атрымаць інфармацыю пра культурную спадчыну Беларусі, не выходзячы з дому. Унікальныя экспанаты даступныя для прагляду і азнаямлення 24/7. У 2017–2018 гадах мы распрацавалі Дзяржаўны каталог музейнага фонду. Зараз на сайце можна пабачыць больш за 2 800 прадметаў гісторыі і мастацтва з розных музеяў краіны, але па факце ў каталогу зарэгістравана больш за 160 тыс. экспанатаў.

Увогуле музейны фонд краіны налічвае больш за 3 млн прадметаў. Уяўляеце, які патэнцыял! 

Меркавалася, што ўсе музеі будуць прадстаўляць свае экспанаты на гэтай пляцоўцы і кожны жадаючы зможа зрабіць віртуальную экскурсію.

Па аналогіі з гэтым каталогам у 2019 годзе распрацавалі і рэестр кніжных помнікаў. Ён пакрысе напаўняецца. У базе ўжо 45 тыс. аб'ектаў, але карыстальнікам даступныя для прагляду крыху больш за 900. Гэта старадаўнія рукапісы і друкаваныя выданні, якія маюць культурную каштоўнасць. На сайце тры раздзелы: кніжныя помнікі, калекцыі і фонды, дзе непасрэдна захоўваюцца кнігі. Адметна тое, што ёсць электронныя копіі выданняў і іх можна чытаць анлайн.

— У чым складанасць працы над такімі маштабнымі праектамі?

— Вялікі аб'ём інфармацыі трэба сістэматызаваць і прадставіць у даступнай форме. Да таго ж інфармацыю трэба было падаць для некалькіх мэтавых аўдыторый: адміністрацыі рэестра/каталога, захавальнікаў фондаў і непасрэдна карыстальнікаў. Таму сайты маюць некалькі інтэрфейсаў. Мы спрабавалі зрабіць іх максімальна зручнымі і простымі для карыстання, каб любы чалавек мог разабрацца і пазнаёміцца з культурным багаццем нашай краіны.

Чытаць артыкул цалкам у крыніцы

наступны раздзел сайта
у якім

прыводзяцца прыклады рэальных праектаў,
над якімі працавала каманда PRAS