Усе экспанаты Беларусі ў онлайн-доступе

Кампанія PRAS распрацавала новы каталог музеяў

дата публікацыі
11.03.2018
aside.source

Любая краіна з належным роўнем самапавагі мусіць мець онлайн-каталог каштоўнасцяў, што захоўваюцца ў музеях — скарбніцах памяці і захавальніках культурнага коду. Быў гэткі каталог і ў беларусаў. Праўда, старонкі сістэмы рассыпаліся пад рукамі музейных працаўнікоў і дысертантаў на адзінкі і нулі, а прыватныя музеі трапіць у яго не наагул не маглі. Сабраць, перабраць, структураваць, насыціць і належным чынам усё гэта апрануць узялася група таленавітых энтузіястаў з менскай кампаніі PRAS. Апрацавалі больш за 160 000 аб’ектаў, цалкам перастварылі рэсурс і адкрылі доступ да ўсіх фондаў Беларусі, у тым ліку прыватных.

Галоўная старонка Дзяржаўнага каталогу музейнага фонду
Галоўная старонка Дзяржаўнага каталогу музейнага фонду

Чаму каталог падабаецца музеям

Для кожнага музея ў каталогу створаны кабінет з нутраной выбаркай аб’ектаў. З увагі на мэтавага карыстальніка — музейнага працаўніка, даволі далёкага ад камп’ютарных тэхналогіяў, — максімальна спрасцілі спосаб дадавання на сайт экспанатаў у лічбавым фармаце. Для параметраў прадугледзелі наяўнасць асобных палёў: год або прыкладны час стварэння, тэхналогія, матэрыял, аўтар. Ад прыватных сервераў у музеях адмовіліся на карысць воблачных тэхналогіяў, таму нават пры вялікім нешанцунку нічога не згубіцца. Атрымаўся гнуткі, цэнтралізаваны, моцны прафесійны інструмент.

Чаму сайт спадабаецца ўсім астатнім

Для навуковых работнікаў сістэма сапраўды каштоўная: настройваеце фільтры — музей, від, тып, перыяд, краіна — і атрымліваеце імгненную выбарку. Эканомія часавых рэсурсаў відавочная. А яшчэ сайт папросту зручны: клікаеце на аб’ект — адкрываецца старонка з дэталёвай інфармацыяй, вяртаецеся на старонку пошуку — бачыце, што налады ўсіх фільтраў захаваныя.

Адладжаная на сайце і далучанасць аб’ектаў да гарадоў і гістарычных перыядаў: ставіце “птушачку” насупраць ВКЛ — знаходзіце ўсё, створанае ў Вільні, не ставіце — атрымліваеце падборку аб’ектаў з Вільнюса.

Дый па-за навуковымі пошукамі паблукаць віртуальнымі музейнымі калідорамі — адно задавальненне. Была б цікавасць да мастацтва ды гісторыі, а экспанаты, артыкулы, онлайн-выставы знойдуцца.

наступны раздзел сайта
у якім

прыводзяцца прыклады рэальных праектаў,
над якімі працавала каманда PRAS