Краіна прыемнага здзіўлення: якім атрымаўся турыстычны партал Беларусі

На Беларусь трэба глядзець шырока расплюшчанымі вачыма. Інакш можна прапусціць шмат сапраўды цікавага. А адчуць асаблівасці, паглыбіцца ў спецыфіку мясцовага каларыту складана без фонавых ведаў

дата публікацыі
21.01.2018
aside.source

Калі задумваўся праект стварэння шматфункцыянальнага сайту, Нацыянальнае агенцтва па турызме і кампанія PRAS дамовіліся стварыць такі рэсурс, які дапаможа расказаць пра краіну новае, не згубіўшы пры гэтым важную базавую інфармацыю. Так з'явіўся Belarus.Travel.

Галоўная старонка парталу belarus.travel
Галоўная старонка парталу belarus.travel

Мэта праекту — ахапіць усю неабходную турысту інфармацыю адным парталам. Задачы — зацікавіць, натхніць, інфармацыйна ўзброіць, папярэдзіць, гістарычна і культурна ўзбагаціць.

Мэтавую аўдыторыю ствараюць людзі, арыентаваныя на тое, каб знайсці цікавыя месцы для падарожжа і / або адпачынку і разумна яго арганізаваць. 

Партал belarus.travel
Партал belarus.travel

Рэалізацыя

Спачатку было прадумана структураванне па нестандартных катэгорыях:
 

  • «Невядомая Беларусь» — з артыкуламі пра новыя нават для саміх беларусаў месцы, з'явы культурнага жыцця, маршруты;
  • «Адпачынак» — з тэматычнымі гайдамі;
  • «Рэгіёны» — з раздзеламі, створанымі з апорай на прыродныя зоны замест звыклага і ўмоўнага падзелу тэрыторыі па абласцях: «Загадкавае Панямонне», «Беларускае Палессе», «Цэнтральная Беларусь», «Дзіўнае Паазер'е», «Едзем у Падняпроўе».

Задача візуала 

Даць уяўленне аб Беларусі без ужывання штампаў кшталту «буслоў» і «зубраў», якія для замежнікаў часта нічога не азначаюць (або нават абазначаюць штосьці іншае; так, бусел — сімвал Страсбурга).

Замест гатовых рашэнняў, што не працуюць, дызайн парталу прапануе кожнаму сфармаваць уласнае ўяўленне аб краіне, скласці яго з уражанняў ад маштабных, выразных, сакавітых фотаздымкаў. Акварэльнае размыццё — знак таго, што пакуль мы самі сябе не пазналі да канца і не можам даць дакладны адказ на пытанне «хто такія беларусы?».

З тэхнічнага погляду партал уяўляе сабой канструктар, а разумная моўная лакалізацыя дае магчымасць імгненна падладжвацца пад турыстаў з розных моўных рэгіёнаў. Адміну, у сваю чаргу, зручна працаваць з варыянтамі сайту на розных мовах. Прычым арганізавана ўсё гэта без "1С Бітрыксаў".

Што тычыцца прасоўвання, то рэалізаваныя адразу дзве асноўныя бізнес-задачы: карыстальнік заходзіць на сайт і застаецца там надоўга — ёсць што пачытаць і куды паглядзець.

наступны раздзел сайта
у якім

прыводзяцца прыклады рэальных праектаў,
над якімі працавала каманда PRAS