Фірмовы стыль "Краіны Цмокаў"

Распрацавалі фірмовы стыль праекта "Краіна Цмокаў" грамадскай кампаніі "Будзьма беларусамі".

Грунтуючыся на старым лагатыпе, трэба было стварыць адметны вобраз беларускага цмока, які перагукаўся б з фірмовым стылем кампаніі "Будзьма!". Фірмовы стыль замоўцы грунтуецца на выкарыстанні беларускага арнаменту ў піксельнай стылізацыі. Да таго ж паводле легендаў, беларускі цмок быў добры ў адрозненне ад сваіх замежных суродзічаў. Цмок не скрадаў золата, а дапамагаў яго адшукваць найлепшым з людскога племені. Менавіта з гэтымі думкамі мы пачалі распрацоўваць лагатып кампаніі "Краіна Цмокаў".

Пастанавілі ўзяць за прыклад беларускі арнамент, з яго таямнічасцю і сімвалізмам.

У дадатак да лагатыпу распрацавалі яшчэ і фірмовы шрыфт праекту "Краіна цмокаў". Шрыфт падтрымлівае лагатып і фірстыль "Будзьмы!". Пры стварэнні торбаў выкарысталі два галоўныя колеры народных вышыванак — чорны і чырвоны. Распрацаваныя шыльды будуць усталяваныя ў месцах, дзе, на думку аўтараў праекту, мог жыць беларускі цмок. А такіх месцаў па краіне не адзін дзясятак. Таму, верагодна, нашыя шыльды будуць радаваць турыстаў працяглы час.

Ніжэй выстаўленыя прыклады таго, як кампанія "Будзьма Беларусамі!" выкарыстоўвае
распрацаваны брэнд. Фотаздымкі Аляксандра Ждановіча