DateToTravel — сацыяльная сетка для вандроўнікаў

Сацсетка для аматараў вандравання. "Знаёмся, каб вандраваць", — такі лозунг у сайта.

Datetotravel.com — гэта міжнародная сацыяльная сетка, якая дае магчымасць знаходзіць вырагодных сяброў па ўсім свеце, спадарожнікаў. Ідэя сайта — у хуткім пошуку, што дасягаецца тэматычнымі піктаграмамі вакол аватараў удзельнікаў. Напрыклад, калі хуткім часам вы вандруеце ў Харватыю, вельмі лёгка знайсці сабе спадарожнікаў або нават мясцовых жыхароў, якія пакажуць вам краіну. Тым часам, вы можаце запрасіць людзей да сябе і набыць новых сяброў.

Праца ў сацыяльнай сетцы пачынаецца, як звычайна, з рэгістрацыі. Ёсць магчымасць уваходу ў сістэму пад акаўнтамі facebook і ВК. Зарэгістравацца можна за некалькі крокаў, каб не разахвочваць карыстальнікаў уваходзіць. Ёсць таксама і пашыраная рэгістрацыя з запаўненнем ўсіх палёў. Дызайн сайту лёгкі, з выкарыстаннем тыповых падарожных колераў — сіняга і жоўтага. Чырвоны колер выкарыстаны для вылучэння асноўных функцый ды падказак.

Такім чынам, падтрымліваецца фірмовы стыль шведскага сайта, распрацаваны намі.

Datetotravel адаптаваны пад шырокафарматныя маніторы — будзе аднолькава добра і без белых палёў выглядаць на ўсіх маніторах.
Адмаляваная фонавая карцінка ў выглядзе сотняў вандроўкавых торбаў у гэтым сэнсе робіць сваю справу.

Кожны фотаздымак любога ўдзельніка можна пракаментаваць і паставіць адзнаку ў выглядзе "лайка". Тым часам карыстальнікі могуць выбіраць вобласць адлюстравання прэўюшак для кожнага фотаздымка, каб пад абцінанне выпадкова не трапілі патрэбныя часткі. Парнаграфічныя, дзіцячыя і іншыя недазволеныя паводле правілаў карыстання фотаздымкі забараняецца запампоўваць на сайт.

Штораз пры навядзенні курсора на аватар карыстальніка можна прагледзець тэматычную інфармацыю: час візіту — для візітоўцаў, параметры — для фаварытаў, любімыя краіны — для пошуку спадарожнікаў.

Найважнейшая функцыя сайту — стварэнне вандровак. Кожны карыстальнік можа выбраць любую краіну або частку свету, у якую хоча паехаць, а таксама спланаваць сваю вандроўку або запрасіць да сябе іншых людзей. Планаванне магчымае толькі на год наперад, а старыя звесткі выдаляюцца аўтаматычна. Хуткім часам плануецца пашырыць функцыянальнасць падзелу "Travel Schedule" інтэрактыўнаю мапай свету.