Дронам цяжка. Без цябе!

PRAS распрацаваў канцэпцыю прасоўвання курсаў па праграмаванні лятаючых робатаў

дата публікацыі
09.05.2018
aside.source

У Мінску адкрываюцца курсы, дзе вучаць, як праграмаваць дронаў-робатаў і больш за тое — развіваць іх разумовыя, так бы мовіць, здольнасці. У задачы каманды PRAS'a ўваходзіла распрацоўка канцэпцыі прасоўвання курсаў, якая ўключае стварэнне метафары і нанізаных на яе лэндынга, стылю, прэзентацый, дыпломаў, разнастайных прэзентацыйных матэрыялаў.

 

Ідэя 

У аснове пазіцыянавання ляжыць паралель з засваеннем космасу. Па-першае, курсы — для Мінска ў навінку, да Tensor пра такія рэчы беларусам з адукацыйнай мэтай ніхто не распавядаў. Па-другое, тэма машын, якія мысляць, для большасці дагэтуль высокая, недасяжная і накрыта коўдрай цёмнай матэрыі. Па-трэцяе, даўно хацелася намаляваць маленькую прыгожую ракету. 

Пасыл, карацей кажучы, такі: хутчэй апранай скафандр і адпраўляйся даследваць нязведаныя абшары машыннага навучання і чорныя дзіркі big data.

Рэалізацыя

Пачалі з лэндынгу і магістральнай ідэі, якую транслююць курсы: так, як заўжды — не будзе. Зайшоўшы на сайт, першае, з чым сутыкаецца патэнцыйны Junior data scientist, — пракрутка лэндынга ў зваротны бок, знізу ўверх. Палец завіс у скроле, думка спатыкнулася і пачала рухацца ў нечаканым для самой сябе напрамку — ідэальны сцэнар, які закладзены ў мадэль паводзін.

«Шаблонны код і сумныя праекты — гэта тое, што можна забыць. Віртуальная рэальнасць, дроны і разумныя машыны — гэта тое, што будзе вашай працай!» — кажуць выкладчыкі курсаў Machine Learning. І дадаюць: «Усё яшчэ наперадзе, але ж патрэбны правільны старт».
«Шаблонны код і сумныя праекты — гэта тое, што можна забыць. Віртуальная рэальнасць, дроны і разумныя машыны — гэта тое, што будзе вашай працай!» — кажуць выкладчыкі курсаў Machine Learning. І дадаюць: «Усё яшчэ наперадзе, але ж патрэбны правільны старт».

Афармленне лэндынгу паўтарае гэта выразным візуальным пасылам: падвесілі тэкст на фоне працуючых таймераў звваротнага адліку і ракеты, што разгараецца (такі намалявалі J) і спрытна адкідвае ўзроўні.

Капірайтынг вытрыманы ў стылі нясмелага падавана і скайуокера, які не аднойчы сустракаўся з ліхутамі — з лёгкай нахабнасцю і «без ныцця».

Напрыклад:

— Гэта доўга?

— Нармалёва. Увесь курс 36 гадзін.

— Што мяне чакае?

— Калі ў трох словах. то: Практычна. Адна. Практыка.

Вынік

Ідэя спадабалася аўтарам курса настолькі, што яны — кандыдаты навук і data scientists — згадзіліся «переапрануцца» у скафандры самі.

У распрацаваным «касмічным» стылі былі аформленыя прэзентацыі курсаў, сертыфікаты і дыпломы, гермашлем з'явіўся на аватарцы фэйсбук-старонкі, а лэндынг зацвердзілі і зрабілі стартавай пляцоўкай для запісу.

Гэтым рэалізацыя канцэпцыі не абмежавалася: стваральнікі курсаў плануюць яе развіваць і выкарыстоўваць для афармлення візітовак, расцяжак, рол-ап стэндаў.

наступны раздзел сайта
у якім

прыводзяцца прыклады рэальных праектаў,
над якімі працавала каманда PRAS