Як беларускай кампаніі зладзіць UX-даследванне, не ладзячы даследвання

Арт-дырэктар PRAS тлумачыць на гіфках

дата публікацыі
01.02.2018
aside.source

У апошнім «sad but true» матэрыяле мы казалі пра тое, чаму ў Беларусі ўсё складана з UX/UI праектаваннем. Паразважаем, што рабіць, калі замоўца акуратна размяркоўвае бюджэт і правесці (або замовіць) сур'ёзнае даследванне мы не можам. У нашай калонцы Аляксей Кульбіцкі, арт-дырэктар кампаніі PRAS, займальна дэманструе паслядоўнасць дзеянняў на гіфках. 

Ёсць два шляхі. Першы: пагрузіцца ў смутак, рабіць выпадковыя інтэрфейсы, піць каву і пісаць тэксты ў Facebook, якія кранаюць за жывое. Другі: узяць ў рукі сябе, галаву, адкрытыя крыніцы, аналітычныя здольнасці — і такі лягенька падаследваць.

Ёсць адна ўмова: патрэбны час. Канечне, у тым выпадку, калі мы хочам атрымаць больш-менш якасны прадукт.

Крок 1. Рукі ў бакі. Уздых

Калі вочы ўжо гараць агнём, а рукі яшчэ не зусім разумеюць, што рабіць, дызайнеры ў нашай кампаніі звычайна ствараюць каталог «Новая папка+». І пачынаецца:

  • мы сквапна шукаем, удумліва праглядаем, ашчадна складваем у асобную тэчку ўсё, што мае дачыненне да падобных рэалізаваных і яшчэ не праектаў (малюнкі, відэа, кейсы, etc.);
  • склейваем з усяго рознага спіс літаратуры для праекту і сама меней праглядаем адным вокам, але часцей усё ж чытаем выбраныя тэксты.

Крок 2. Нахіл — выпростванне

На гэтым этапе мы пачынаем ляпіць з інфармацыйнага (а часам і з гумовага) пластыліну вобраз мэтавай аўдыторыі. Ёсць некалькі сэрвісаў, якія дапамагаюць справе рухацца хутчэй і весялей. Напрыклад, Pichler Consulting, UserForge і UXPin.

Стандартны набор крокаў, знаёмы кожнаму:

  • прыдумляем патэнцыйнаму карыстальніку прыгожае імя (Аляўціна) і красамоўнае прозвішча (Якая-Упершыню-Ідзе-На-Фітнэс);
  • працаўладкоўваем юзера (юрыст);
  • прадумваем мэты і патрэбы Аляўціны, задаемся пытаннямі: чаго дзяўчына можа баяцца, саромецца, да чаго яна магла б імкнуцца — і рыхтуем адказы, на якія далей будзем апірацца.

Усё нібы даўно зразумела, але ў працэсе працы мы, як гэта бывае з любой камандай, якая шмат працуе, прыйшлі да такой высновы: дызайн і праектаванне будуюцца не толькі на прыдуманых персонах, але і на эмпатыі да людзей рэальных. Важна ўмець слухаць будучых карыстальнікаў (ды ўвогуле ўсіх), запамінаць іх меркаванні, вывады, матывы — з часам можна стаць неблагім «псіхолагам ад сахі» и прадчуваць, як юзеры будуць весці сябе з вашымі прадуктамі.

На паводзіны карыстальнікаў у дачыненні IT-распрацовак уплывае нават тое, што яны носяць і што ядуць, таму ў нашай кампаніі прынята абмяркоўваць моду і культурныя тэндэнцыі, асабліва ў кіно.

Напрыклад, вось што можна загадзя сказаць пра Аляўціну Якая-Упершыню-Ідзе-На-Фітнэс: напэўна, яна не захоча, каб хтосьці ведаў пра яе рашэнне заняцца фігурай, бо мы распрацоўваем дадатак для Беларусі, дзе гэтая тэма дагэтуль дастаткова далікатная, таму наўрад ці будзе прасіць дапамогу ў сяброў, калег, знаёмых. Адпаведна, усё неабходнае для граматнага выбару ёй павінен даць дадатак, які мы распрацоўваем — праз граматныя фільтры, высвятленне ўзросту, звычак, хобі.

Прывядзем рэальны прыклад.

Мы рабілі музейны каталог, для працы якога патрэбны адзін разумны мадэратар і па адміне з кожнага музея Беларусі. Відавочна, што ў розных музеях могуць захоўвацца экспанаты, якія маюць дачыненне да адной і той жа персоны. Адміны пачалі напаўняць каталог, і мы засмуціліся: кожны называў, напрыклад, Уладзіміра Караткевіча па-свойму — Караткевіч У. С., Уладзімір Караткевіч, У. Караткевіч і г.д. Пры такім падыходзе знайсці аб'ект карыстальніку было б няпроста. Мы папрацавалі над сістэмай і ўсё ўніфікавалі: стварылі спіс-выпадайку з ужо зададзенай формай імя кожнага аўтара. У выніку адміны [партрэт: Іна Іванаўна, 40+, у свеце кампутарных тэхналогій адчувае сябе госцяй] атрымалі зручны інструмент для працы, а карыстальнік [партрэт: навуковы супрацоўнік Сямён Валянцінавіч, 35+, абарона дысертацыі праз год] — электронны каталог, у якім патрэбны экспанат знойдзецца за некалькі секунд.

Чытаць цалкам у крыніцы

наступны раздзел сайта
у якім

прыводзяцца прыклады рэальных праектаў,
над якімі працавала каманда PRAS